اسلام آباد میں غیر قانونی تعمیرات کو بجلی کے کنکشنز دینے پر سی ڈی اے نے آئیسکو کیخلاف توہین عدالت کی درخواست دائر کر دی

منگل 18 ستمبر 2018 00:20

اسلام آباد ۔ (اُردو پوائنٹ اخبارتازہ ترین - اے پی پی۔ 18 ستمبر2018ء) ہائی کورٹ پابندی کے باوجود اسلام آباد میں غیر قانونی تعمیرات کو بجلی کے کنکشنز دینے پر سی ڈی اے نے اسلام آباد ہائی کورٹ میں آئیسکو کیخلاف توہین عدالت کی درخواست دائر کردی، آئیسکو کے چیف ایگزیکٹو، جنرل منیجر اور ڈائریکٹر آپریشنز کو نوٹس جاری کر دئیے گئے اورہائی کورٹ نے تین افسران سے دو ہفتوں میں جواب طلب کرلیا ہے ،ہائی کورٹ کے تین رکنی بینچ نے سی ڈی اے کی درخواست پر سماعت کی، بنچ میں جسٹس اطہر من اللہ جسٹس عامر فاروق اور جسٹس محسن اختر کیانی شامل تھے۔