بھارت میں آتش بازی کا سامان بنانے والی فیکٹری میں دھماکہ 3 افراد ہلاک

پیر 24 ستمبر 2018 12:42

نئی دہلی۔24 ستمبر(اُردو پوائنٹ اخبارتازہ ترین - اے پی پی۔ 24 ستمبر2018ء) بھارت کے جنوب مشرق میں آتش بازی کی غیر قانونی فیکٹری میں ہونے والے دھماکے کے نتیجے میں 3 افراد ہلاک ہو گئے ہیں۔بھارتی زرائع ابلاغ کے مطابق صوبہ آندھرا پردیش کے شہر راجاہام ہندرا وارام میں آتش بازی کی فیکٹری میں ہونے والے دھماکے کے نتیجے میں 3 افراد ہلاک ہو گئے ہیں۔

(جاری ہے)

مقامی حکام نے میڈیا کو بتایا کہ حادثے میں 3 افراد زخمی بھی ہوئے ہیں جن کا علاج جاری ہے۔دھماکے کے بارے میں تحقیقات کا آغاز کروا دیا گیا ہے۔واضح رہے کہ صوبہ آندھرا پردیش میں کثیر تعداد میں آتش بازی کی غیر قانونی فیکٹریاں موجود ہیں۔واضح رہے کہ گذشتہ سال صوبہ مدھیہ پردیش میں آتش بازی کی ایک فیکٹری میں دھماکے کے نتیجے میں 23 مزدور ہلاک ہو گئے تھے۔