سری لنکا کا انگلینڈ کے خلاف واحد ٹی ٹونٹی انٹرنیشنل میچ کیلئے ٹیم کا اعلان، تھسارا پریرا کپتان مقرر، مالنگا کی ایک برس بعد ٹیم میں واپسی، میتھیوز آئوٹ

پیر 22 اکتوبر 2018 17:53

کولمبو۔ (اُردو پوائنٹ اخبارتازہ ترین - اے پی پی۔ 22 اکتوبر2018ء) سری لنکا نے انگلینڈ کے خلاف شیڈول واحد ٹی ٹونٹی انٹرنیشنل کرکٹ میچ کیلئے ٹیم کا اعلان کر دیا، تھسارا پریرا کو کپتان مقرر کیا گیا ہے، لاستھ مالنگا کی ایک برس بعد دوبارہ ٹیم میں واپسی ہوئی ہے، اینجلو میتھیوز کو ون ڈے سیریز کے بعد ٹی ٹونٹی میچ سے بھی ڈراپ کر دیا گیا، انہیں ایشیا کپ میں ناقص فام کی بناء پر ٹیم سے باہر کیا گیا ہے، کوسل پریرا جو کہ انجری مسائل کے باعث انگلینڈ کے خلاف ون ڈے سیریز کے آخری تین میچز سے باہر ہو گئے تھے کو سکواڈ میں طلب کیا گیا ہے۔

(جاری ہے)

اعلان کردہ سکواڈ کپتان تھسارا پریرا، دنیش چندیمل، نیروشن ڈکویلا، کوسل پریرا، کوسل مینڈس، دھنن جایا ڈی سلوا، ڈاسن شناکا، کامنڈو مینڈس، ایسورو اودانا، دشمانتھا چمیرا، اکیلا دانن جایا، کاسن راجیتھا، نووان پرادیپ اور لکشن سنداکن پر مشتمل ہے۔