ناروے، نیٹو مشقوں کے دوران جنگی بحری جہاز آئل ٹینکر سے ٹکرا کر ڈوب گیا

جہاز پر نارویجن نیوی کے اہلکاروں اور عملے پر مشتمل 137 افراد سوار تھے،آٹھ اہلکار زخمی ہو گئے

جمعہ 9 نومبر 2018 17:14

اوسلو (اُردو پوائنٹ اخبارتازہ ترین - این این آئی۔ 09 نومبر2018ء) ناروے میں نیٹو مشقوں کے دوران جنگی بحری جہاز تیل لے جانے والی کمپنی کے آئل ٹینکر سے ٹکرا کر ڈوب گیا۔جہاز پر نارویجن نیوی کے اہلکاروں اور عملے پر مشتمل 137 افراد سوار تھے جنہیں جہاز کے ڈوبنے سے پہلے ہی نکال لیا گیا تاہم 8 اہلکار زخمی ہو گئے۔

(جاری ہے)

غیرملکی خبررساں ادارے کے مطابق حادثہ مغربی ناروے کے ساحل پر اس وقت پیش آیا جب نیٹو کی جنگی مشقیں جاری تھیں، اسی دوران نارویجن نیوی کا جنگی بحری جہاز ایک تیل بردار کمپنی کے آئل ٹینکر سے ٹکرا گیا جس کی کچھ دیر بعد سمندر میں ڈوب گیا۔

جہاز پر نارویجن نیوی کے اہلکاروں اور عملے پر مشتمل 137 افراد سوار تھے جنہیں جہاز کے ڈوبنے سے پہلے ہی نکال لیا گیا تاہم 8 اہلکار زخمی ہو گئے۔