حضرو،پولیس نے لاکھوں روپے مالیت کی ہیروئن پکڑ لی، ملزم گرفتار

جمعہ 18 جنوری 2019 20:44

حضرو ۔ (اُردو پوائنٹ اخبارتازہ ترین - اے پی پی۔ 18 جنوری2019ء) تھانہ رنگو میں حال ہی میں تعینات ہونے والے ایس ایچ او حیات خان نیازی کی منشیات فروشوں کے خلاف بھرپور کاروائیاں جاری،پولیس نے لاکھوں روپے مالیت کی 1کلو سے زیادہ ہیروئن پکڑ لی ملزم گرفتار ،تفصیلات کے مطابق تھانہ رنگو میں حال ہی میں تعینات ہونیوالے ایس ایچ او محمد حیات نیازی نے تھانہ رنگو کی حدود میں منشیات اور جوئے کے خلاف سخت کاروائیاں شروع کی ہوئی ہیں 2روز قبل تھانہ رنگو پولیس نے 5کلو سے زیادہ ہیروئن پکڑی تھی گذشتہ روز مخبر خاص نے ایس ایچ او تھانہ رنگو محمد حیات نیازی کو اطلاع دی کہ ایک شخص شمس آباد لنک روڈ پر گاڑی کے انتظار میں کھڑا ہے جس کے پاس کافی مقدار میں منشیات موجود ہے پولیس نے فوری طور پر کاروائی کرتے ہوئے ملزم کو گرفتار کر لیا جس کا نام وپتہ حمزہ خان تحصیل چھوٹا لاہور ضلع صوابی معلوم ہوا صرف 2عدد پیکٹ ہیروئن کے برآمد ہوئے وزن کرنے پر 1کلو 2سو گرام ہیروئن برآمد ہونے پر پولیس نے 9cکا مقدمہ درج کر لیا عوامی حلقوں نے منشیات اور جوئے کے خلاف مہم شروع کرنے پر ایس ایچ او تھانہ رنگو محمد حیات نیازی کو خراج تحسین پیش کی ۔