سابق چیئرمین متروکہ وقف املاک بورڈ سید آصف اختر ہاشمی نے بعد از گرفتاری ضمانت کیلئے اسلام آباد ہائیکورٹ سے رجوع کرلیا

پیر 18 مارچ 2019 18:09

اسلام آباد (اُردو پوائنٹ اخبارتازہ ترین - این این آئی۔ 18 مارچ2019ء) سابق چیئرمین متروکہ وقف املاک بورڈ کے سابق سید آصف اختر ہاشمی نے بعد از گرفتاری ضمانت کیلئے اسلام آباد ہائیکورٹ سے رجوع کرلیا۔پیر کو دائر درخواست میں سید آصف اختر ہاشمی دسمبر 2008 سے مارچ 2013 تک چیئرمین ایویکیو ٹرسٹ پراپرٹی بورڈ رہ چکے ہیں۔ درخواست میں موقف اختیار کیا گیاکہ سید آصف اختر ہاشمی پاکستان کے قانون پسند شہری ہیں۔

(جاری ہے)

درخواست کے مطابق سید آصف اختر ہاشمی کو کیس میں غلط شامل کیا گیا ہے۔درخواست کے مطابق سید آصف اختر ہاشمی کی ضمانت بعد از گرفتاری کی استدعا منظور کی جائے۔ درخواست کے مطابق سابق چیئرمین آصف ہاشمی پر بھی بدعنوانی میں ملوث ہونے کا الزام ہے۔سپریم کورٹ نے متروکہ وقف املاک اراضی کی خریدو فروخت میں مبینہ بدعنوانی ازخود نوٹس لیاتھا۔آصف ہاشمی کو سپریم کورٹ کے حکم پر احاطہ عدالت سے 15 فروری 2018 کوگرفتار کیا گیا۔