کرائسٹ چرچ سانحہ کی تحقیقات کے لیے رائل کمیشن بنانے کا اعلان

حملے میں سوشل میڈیا اورایجنسیوں کے کردار کا بھی پوچھا جارہا ہے، وزیراعظم نیوزی لینڈ

پیر 25 مارچ 2019 14:42

کرائسٹ چرچ(اُردو پوائنٹ اخبارتازہ ترین - این این آئی۔ 25 مارچ2019ء) نیوزی لینڈ کی وزیراعظم جیسنڈا آرڈرن نے کرائسٹ چرچ واقعہ پررائل کمیشن بنانے کا اعلان کردیا۔

(جاری ہے)

میڈیارپورٹس کے مطابق نیوزی لینڈ کی وزیراعظم جیسنڈا آرڈرن نے کابینہ کے اجلاس کے بعد میڈیا سے گفتگو کرتے ہوئے کہا کہ کرائسٹ چرچ واقعے پر رائل کمیشن بنانے کا فیصلہ کیا ہے، رائل کمیشن سنگین ترین واقعے پربنایا جاتا ہے اورکرائسٹ چرچ واقعہ بھی سنگین ترین ہے۔

نیوزی لینڈ کی وزیراعظم نے کہا کہ لوگ پوچھ رہے ہیں کہ کرائسٹ چرچ حملہ کیسے ہوا، حملے میں سوشل میڈیا اورایجنسیوں کے کردارکا بھی پوچھا جارہا ہے۔دوسری جانب نیوزی لینڈ کی وزیراعظم نے آئندہ ہفتے چین کے دورے کا بھی اعلان کرتے ہوئے کہا کہ چین کے وزیراعظم اور صدر سے ملاقات کروں گی جب کہ چین میں نیوزی لینڈ کے سفارت خانے کا بھی افتتاح کیا جائے گا۔