ادلب ‘ شامی فوج کی گولہ باری ، بچوں سمیت 7 افراد جاں بحق

جان سے ہاتھ دھونے والوں میں چار بچے اور دو خواتین شامل ہیں۔ واقعے میں 12 افراد زخمی بھی ہوئے

بدھ 24 اپریل 2019 15:45

بیروت(اُردو پوائنٹ اخبارتازہ ترین - این این آئی۔ 24 اپریل2019ء) شام میں انسانی حقوق کے نگراں گروپ المرصد کے مطابق ادلب صوبے کے شہر خان شیخون پر شامی حکومتی فورسز کی گولہ باری کے نتیجے میں 7 افراد جاں بحق ہو گئے۔ جان سے ہاتھ دھونے والوں میں چار بچے اور دو خواتین شامل ہیں۔ واقعے میں 12 افراد زخمی بھی ہوئے۔شام کے شمال مغرب میں واقع ادلب صوبہ عسکری تنظیم ہیئتہ تحریر الشام کے زیر کنٹرول ہے۔

(جاری ہے)

گزشتہ برس ستمبر میں روس ، ایران اور ترکی کے بیچ ایک معاہدہ طے پایا تھا جس کے نتیجے میں صوبے میں شامی حکومت کی فورسز کے حملے روک دیے گئے تھے۔رواں سال فروری کے آغاز کے بعد سے فریقین کے درمیان کشیدگی میں اضافہ ہو گیا۔ اس کے نتیجے میں ستمبر 2018 کو طے پانے والے معاہدے کے بعد صوبے میں نقل مکانی کی سب سے بڑی لہر دیکھنے میں آئی۔مذکورہ معاہدے میں ہتھیاروں سے پاک ایک زون کا قیام شامل ہے جس پر ابھی تک جزوی طور پر عمل ہو سکا ہے۔