برٹش ایئرویز کا 11 سال بعد پاکستان کیلئے فلائٹ آپریشن بحال کرنے کا فیصلہ

جون کو پہلی پرواز لندن سے مسافروں کو لے کراسلام آبادآئے گی:وفاقی وزیر ہوابازی غلام سرور خان کی تصدیق

جمعہ 24 مئی 2019 19:57

برٹش ایئرویز کا 11 سال بعد پاکستان کیلئے فلائٹ آپریشن بحال کرنے کا ..

اسلا آباد، لندن (اُردو پوائنٹ اخبارتازہ ترین - آن لائن۔ 24 مئی2019ء) برٹش ایئرویزنے 11 سال بعد پاکستان کے لئے فلائٹ آپریشن بحال کرنے کا فیصلہ کرلیا ہے ، برٹش ایئرویز جون سے پاکستان کیلئے فلائٹ آپریشن کا آغازکرے گی جبکہ پہلی پرواز3 جون کو لندن ہتھروایئر پورٹس سے مسافروں کو لے کراسلام آبادآئے گی۔

(جاری ہے)

وفاقی وزیر ہوابازی غلام سرور خان نے اپنے جاری ٹویٹر پیغام میں برٹش ایئر ویزکی جانب سے پاکستان کیلئے فلائٹ آپریشن شروع کرنے کی تصدیق کرتے ہوئے کہاہے کہ برٹش ایئرویز 11 سال بعد اپنی فلائٹ آپریشن دوبارہ شروع کرنے جا رہے ہیں جو جون میں شروع کیا جائیگا۔

انھوں نے اپنے کہا کہ برٹش ایئر ویز ابتدائی طور پر اسلام آباد سے ہفتہ وار 3 پروازیں چلانے کی خواہشمند ہے۔ مسافروں کو لے کر برٹش ایئرویز کی پہلی پرواز3 جون کو صبح 9 بجے لندن سے اسلام آباد آئے گی اور 2گھنٹے بعداسلام آباد سے لندن کیلئے روانہ ہوگی۔برٹش ایئر ویز انتظامیہ کی جانب سے پریس کانفرنس میں باضابطہ طور پرفلائٹ آپریشن کا بحالی اور مستقبل کی حکمت عملی کا اعلان کیا جائیگا۔ برٹش ایئر ویز نے سول ایوی ایشن اتھارٹی کو فیصلے سے آگاہ کر دیا ہے۔