جسٹس فائز عیسیٰ کے خلاف ریفرنس سے متعلق آئینی درخواستوں کی سماعت فل کورٹ کرے ،پاکستان بار کونسل کی سپریم کورٹ میں درخواست

منگل 17 ستمبر 2019 21:28

اسلام آباد ۔ (اُردو پوائنٹ اخبارتازہ ترین - اے پی پی۔ 17 ستمبر2019ء) پاکستان بار کونسل نے سپریم کورٹ میں آئینی درخواست دائر کر دی ہے جس میں استدعا کی ہے کہ جسٹس فائز عیسیٰ کی جانب سے اپنے خلاف زیر سماعت ریفرنس سے متعلق دائر آئینی درخواستوں کی سماعت فل کورٹ میں کی جائے۔

(جاری ہے)

اس حوالے سے پاکستان بار کونسل کے وائس چیئرمین امجد شاہ نے ذرائع ابلاغ سے بات چیت کرتے ہوئے بتایا کہ ہم نے اس حوالے سے سپریم کورٹ میں آئینی درخواست دائر کر دی ہے جس میں استدعا کی گئی ہے کہ فل کورٹ میں آئینی درخواستوں کی سماعت کی جائے۔

انہوں نے کہا کہ وکلاء برادری عدلیہ کی آزادی کے لئے اپنی جدوجہد جاری رکھے گی۔ ہمارا واحد مقصد انصاف کا حصول ہے جس کے لئے ہم مسلسل کوشش کر رہے ہیں۔ امجد شاہ نے کہا کہ آئینی درخواستوں کی سماعت کے حوالے سے لارجر بینچ سے دو جج صاحبان الگ ہو گئے ہیں، ہم ان کے اس اقدام کو سراہتے ہیں۔