اسلام آباد ہائی کورٹ کا وفاقی ٹیکس محتسب مشتاق سکھیرا کو فوری طور بحال کرنے کا حکم

جمعرات 19 ستمبر 2019 22:00

اسلام آباد ۔ (اُردو پوائنٹ اخبارتازہ ترین - اے پی پی۔ 19 ستمبر2019ء) اسلام آباد ہائی کورٹ نے وفاقی ٹیکس محتسب مشتاق سکھیرا کو فوری طور بحال کرنے کا حکم دیا ہے۔ مشتاق سکھیرا نے اپنی برطرفی کو اسلام آباد ہائی کورٹ میں چیلنج کر رکھا تھا۔

(جاری ہے)

اسلام آباد ہائی کورٹ نے مشتاق سکھیرا کو 14 جون کو برطرفی کے حکم پر حکم امتناع جاری کیا تھا۔ اسلام آباد ہائی کورٹ کے چیف جسٹس اطہر من اللہ نے کیس کا فیصلہ سناتے ہوئے وفاقی محتسب مشتاق سکھیرا کو فوری طور پر عہدے پر بحال کرنے کا حکم دیا ہے۔ مشتاق سکھیرا کی تعیناتی کو غیر قانونی قرار دیکر انہیں برطرف کر دیا گیاتھا۔