اوگرا کا آ ئل مارکیٹنگ کمپنیوں کی جانب سے بغیر اجازت نئے آئوٹ لٹ قائم کرنے پر 10لاکھ روپے جرمانے کا فیصلہ

ہفتہ 7 دسمبر 2019 15:58

اسلام آباد (اُردو پوائنٹ اخبارتازہ ترین - اے پی پی۔ 07 دسمبر2019ء) آئل اینڈ گیس ریگولیٹری اتھارٹی اوگرا نے بغیر اجازت آ ئل مارکیٹنگ کمپنیوں کی جانب سے نئے آئوٹ لٹ قائم کرنے پر 10لاکھ روپے جرمانے کا فیصلہ کیا ہے ۔

(جاری ہے)

اوگرا کے ذرائع کے مطابق آئل مارکیٹنگ کمپنیاں بیک اپ سٹوریج انفراسٹرکچر رکھے بغیر نئے آئوٹ لٹس کھولنے پر پابندی کے باوجود اس کی خلاف ورزی کرتے ہوئے نئے آئوٹ لٹ قائم کر رہی ہیں جس پر اتھارٹی نے فیصلہ کیا ہے کہ جو بھی آئل مارکیٹنگ کمپنی بغیر اجازت کے نئے آئوٹ لٹ کا اضافہ یا قیام عمل میں لائے گی اس سے اس اقدام پر فی آئوٹ لٹ 10لاکھ لاکھ روپے جرمانہ عائد کیا جائیگا جبکہ 31دسمبر 2019ء کے بعد کم بیک اپ سٹوریج رکھنے کے بنا پر جن کمپنیوں کو آئوٹ لٹس قائم کرنے کی اجازت نہیں دی گئی ان کے کسی بھی ریٹیل آئوٹ لٹس کو ریگولررائز نہیں کیا جائے گا اور خلاف ورزی کرنے پر متعلقہ کمپنی کو اپنا آئوٹ لٹس بند کرنا پڑے گا ۔