نیوزی لینڈ، ساحلی شہر گسبرن میں 5.3 شدت کا زلزلہ،کوئی جانی نقصان نہیں ہوا

منگل 10 دسمبر 2019 12:19

آکلینڈ (اُردو پوائنٹ اخبارتازہ ترین - اے پی پی۔ 10 دسمبر2019ء) نیوزی لینڈ کے جزیرہ نارتھ آئی لینڈ کے مشرقی ساحلی شہر گسبرن میں 5.3 شدت کے زلزلے کے جھٹکے محسوس کیے گئے تاہم زلزلے سے کسی جانی نقصان کی اطلاعات موصول نہیں ہوئیں۔

(جاری ہے)

نیوزی لینڈ کے ادارہ جیلوجیکل ہیزرڈ انفارمیشن کے مطابق یہ زلزلہ آتش فشاں سے متاثرہ سیاحتی جزیرہ وائٹ آئی لینڈ سے 100 کلومیٹر کے فاصلے پر منگل کو گسبرن شہر کے جنوب میں 20 کلومیٹر کے فاصلے پر 29 کلومیٹر کی گہرائی میں تھا جبکہ زلزلیکے جھٹکے نارتھ آئی لینڈ کے علاقہ وکاتانی میں بھی محسوس کیے گئے جس سے بعض دکانوں کو نقصان پہنچا اور ٹریفک کی روانی متاثر ہو ئی۔