جرمنی کے شہر ہناؤ میں بڑے پیمانے پر فائرنگ سے متعدد افراد ہلاک

پولیس کی جانب سے بھرپور جوابی کارروائی کی ویڈیو سوشل میڈیا پر پوسٹ کی گئی، دو مخلتف مقامات پر فائرنگ کے پر تشدد واقعات میں 8 افراد کے ہلاک ہونے کا خدشہ ظاہر کیا جا رہا ہے

کامران حیدر اشعر جمعرات 20 فروری 2020 05:05

برلن (اُردو پوائنٹ اخبار تازہ ترین۔ 20 فروری 2020ء) جرمنی کے شہر ہناؤ میں بڑے پیمانے پر فائرنگ سے متعدد افراد ہلاک، پولیس کی جانب سے بھرپور جوابی کارروائی کی ویڈیو سوشل میڈیا پر پوسٹ کی گئی، دو مخلتف مقامات پرفائرنگ کے پر تشدد واقعات میں کم از کم 8 افراد کے ہلاک ہونے کا خدشہ ظاہر کیا جا رہا ہے۔

تفصیلات کے مطابق جرمنی کے مقامی میڈیا نے رپوٹ کیا ہے کہ جرمنی کے شہر ہناؤ اور قریبی کیسسلسٹٹ میں دو مختلف بارز پر فائرنگ کے نتیجے میں متعدد افراد ہلاک ہو گئے ہیں۔

سوشل میڈیا پر جاری ویڈیو میں پولیس کی جانب سے فائرنگ کے واقعے کے خلاف بھرپور جوابی کارروائی دیکھی جا سکتی ہے۔

خبر ایجنسی کے مطابق ابتدائی طور پر کم از کم 8 افراد کی ہلاکتوں کا خدشہ ظاہر کیا جا رہا ہے تاہم ہلاکتوں سے متعلق ابھی تک کوئی مستند خبر نہیں آئی نہ ہی کسی سرکاری ذرائع سے ہلاکتوں کی تصدیق ہو سکی ہے۔

(جاری ہے)