نیشنل بینک پریذیڈنٹ کپ ٹی ٹونٹی انٹرگروپ کرکٹ ٹورنامنٹ، اعتماد گروپ نے ایف سی جی کنگ کو لیگل لجنڈز نے ریمٹنس کو شکست دی

کراچی (اُردو پوائنٹ اخبارتازہ ترین - این این آئی۔ 28 فروری2020ء) پانچواں نیشنل بینک پریذیڈنٹ کپ ٹی ٹونٹی انٹرگروپ کرکٹ ٹورنامنٹ میں نیا ناظم آباد کرکٹ گرائونڈ پر کھیلے گئے پہلے میچ میں ریمٹنس یونائٹیڈ اور لیگل لجنڈز کے درمیان ٹی ایم سی کرکٹ گرائونڈگلبرگ میںہوا جس میں لیگل لجنڈز نے یہ میچ 8 وکٹوں سے جیت لیا۔ نیشنل بینک کے ڈویژنل ہیڈ قاضی امتیاز نے مین آف دی میچ ایوارڈجنید اکبر کو دیا۔

اس موقع پرفرسٹ کلاس کرکٹر وسیم عارف بھی موجود تھے ۔ریمٹنس یونائٹیڈ نے ٹاس جیت کر پہلے بیٹنگ کرتے ہوئے مقرررہ اوورز میں چار وکٹوں پر168رنز اسکور کیا ۔حرعباس نی69 رنز اور محمد نعیم حنیف نے 26 رنز بنائے۔جواب میں لیگل لجنڈز نے 18 ویں اوورز میں 2 کھلاڑیوں کے نقصان پر مطلوبہ اسکور پورا کیا۔

(جاری ہے)

جنیداکبر نی76 رنز کی شاندار انگز کھیلی اور طارق ریاض نے 34 رنز بناکے ریٹائرڈ آوٹ ہوئے۔

جبکہ مرزا قاسم بیگ 25 رنز بناکے بعد رن آوٹ ہوئے۔ ددسرا میچ نیا ناظم آباد کرکٹ گرائونڈ پراعتماد گروپ اور ایف سی جی کنگ کے درمیان ہوا جس میں اعتماد گروپ نے ایف سی جی کنگ کو باآسانی سات وکٹوں سے شکست دیدی۔ محمداحمد صدیقی مین آف دی میچ قرار پائے ایف سی جی کنگ نے ٹاس جیت کر پہلے بیٹنگ کرتے ہوئے 19 ویں اوور میں 85 رنز پر پوری ٹیم ریت کی دیوار ثابت ہوئی۔

اور کوئی کھلاڑی بھی جم کر نہ کھیل سکا۔ عدیل احمدشاہ نے 17 رنز دیکر تین سید دانیال نقوی نے 18 رنز دیکر 2 کھلاڑیوں کو آوٹ کیا۔ جواب میں اعتماد گروپ نے پراعتماد ہوکر کھیلتے ہوئے 14 ویں اوورز میں تین کھلاڑیوں کے نقصان پر مطلوبہ حدف مکمل کیا۔ محمد احمد صدیقی نے 34 اور سعیدجاوید نے 25رنزبنائے۔اسکورر کے فرائض سید افرسیاب عالم اور سید آشیرحسین نے امپائرنگ کے طاہر رشید، محمداصغر، نظیربٹ اور محمدیونس نے سرانجام دیے ۔