وزیر خارجہ کی زیر صدارت وزارت خارجہ میں قائم ایمرجنسی کرایسز مینجمنٹ سیل کا اجلاس ،

کرونا سے درپیش مسائل پر گفتگو شاہ محمودنے تمام پاکستانی سفارتخانوں کو، بیرون ملک مقیم پاکستانیوں کو درپیش مشکلات اور مسائل کو ترجیحی بنیادوں پر حل کرنے کی ہدایات دی دیں

جمعرات 26 مارچ 2020 20:24

وزیر خارجہ کی زیر صدارت وزارت خارجہ میں قائم ایمرجنسی کرایسز مینجمنٹ ..

اسلام آباد (اُردو پوائنٹ اخبارتازہ ترین - این این آئی۔ 26 مارچ2020ء) وزیر خارجہ شاہ محمود قریشی نے تمام پاکستانی سفارتخانوں کو، بیرون ملک مقیم پاکستانیوں کو درپیش مشکلات اور مسائل کو ترجیحی بنیادوں پر حل کرنے کی ہدایات دی دیں ۔جمعرات کو وزیر خارجہ مخدوم شاہ محمود قریشی کی زیر صدارت وزارت خارجہ میں قائم ایمرجنسی کرایسز مینجمنٹ سیل کا اجلاس ہوا جس میں سیکرٹری خارجہ سہیل محمود، اسپیشل سیکرٹری معظم علی خان، ترجمان وزارت خارجہ مس عائشہ فاروقی اور وزارت خارجہ کے سینئر حکام نے اجلاس میں شرکت کی ۔

عالمی وبائی چیلنج کے پیش نظر، دنیا بھر میں موجود پاکستانیوں کو درپیش مشکلات اور مختلف بین الاقوامی ایئرپورٹس پر، وطن واپسی کے منتظر پاکستانیوں کی جلد وطن واپسی کیلئے مختلف پہلوؤں پر غوروخوض کیا گیا۔

(جاری ہے)

دنیا بھر میں موجود پاکستانی سفارتخانوں کے ذریعے ،کرائسز مینجمنٹ سیل میں موصول ہونے والی پاکستانی کمیونٹی کی شکایات ،مشکلات کا بھی تفصیلی جائزہ لیا گیا۔

سعودی عرب اور ایران میں موجود زائرین کی مرحلہ وار جلد واپسی کے طریقہ کار پر بھی تفصیلی مشاورت کی گئی۔مختلف ممالک میں واپسی کے منتظر پاکستانیوں کو خصوصی پروازوں کے ذریعے واپس لانے کے آپشن کو بھی زیر غور لایا گیا۔وزیرخارجہ شاہ محمود قریشی نے کہاکہ بیرون ملک مقیم پاکستانی ہمارا اثاثہ ہیں انہیں ہر ممکن سہولت فراہم کرنا ہماری حکومت کی اولین ترجیحات میں شامل ہے ۔مخدوم شاہ محمود قریشی نے کہاکہ پاکستانی سفارت خانے، آگے بڑھ کر جذبہ حب الوطنی کے تحت اس کٹھن گھڑی میں پاکستانی کمیونٹی کی معاونت کر رہے ہیں ۔ وزیر خارجہ نے، تمام پاکستانی سفارتخانوں کو، بیرون ملک مقیم پاکستانیوں کو درپیش مشکلات اور مسائل کو ترجیحی بنیادوں پر حل کرنے کی ہدایات دیں۔