ڈیلی ویجز اور دیہاڑی دار طبقہ کی مالی امداد کیلئے حطار میں 11 رکنی ویلفیئر کمیٹی کی تشکیل

ہری پور (اُردو پوائنٹ اخبارتازہ ترین - اے پی پی۔ 10 اپریل2020ء) کورونا وائرس و لاک ڈائون کیلئے تمام سیاسی جماعتیں ایک پلیٹ فارم پر جمع ہیں، کرونا وائرس و لاک ڈائون سے متاثرہ ڈیلی ویجز اور دیہاری دار مزدور طبقہ اور غریب عوام کی مالی امداد کیلئے حطار میں غیر سیاسی 11 رکنی ویلفیئر کمیٹی تشکیل دیدی گئی، 25 جنرل کونسلرز کو جنرل باڈی میں شامل کر دیا گیا ہے۔

تفصیلات کے مطابق ہیومن یونٹی موومنٹ (ہم) کے ایگزیکٹو ڈائریکٹر ملک طارق محمود اور ہم ٹیم کے زیر صدارت اہم اجلاس منعقد ہوا جس میں تمام سیاسی جماعتوں جن میں کیو ڈبلیو پی، پی ٹی آئی، مسلم لیگ (ن) اور جے یو آئی کے علاوہ سماجی اور مخیر حضرات کو مشاورت کیلئے بلایا گیا ہے۔ سیاسی و سماجی شخصیات میں سابق ممبر ضلع کونسل چوہدری ظہیر اختر، دلدار حسین شاہ، سابق ناظم ملک اکرم، سابق ناظم ملک عاصم، سابق ممبر تحصیل راجہ ایاز، سابق نائب ناظم ملک عبدالقیوم، سجاد حسین شاہ، ملک قمر حیات، قاری شکیل احمد، ساجد، ملک احسان، سید محسن شاہ سمیت دیگر نے کثیر تعداد میں شرکت کی۔

(جاری ہے)

متفقہ طور پر فیصلہ کیا گیا کہ انتظامی اختیارات ایل ایس او (ہم) نے فیصلہ کیا ہے کہ 10 سے 15 لاکھ روپے سمیت دیگر فیکٹریوں سے ملنے والے تمام پیکیج بھی اسی پلیٹ فارم پر حطار کے دیہاڑی دار مزدوروں اور دیگر مستحقین میں تقسیم کئے جائیں گے۔