مولانا فضل الرحمان کا پیر عزیز الرحمن ہزاروی کے انتقال پر اظہار تعزیت

منگل 23 جون 2020 13:57

اسلام آباد (اُردو پوائنٹ اخبارتازہ ترین - اے پی پی۔ 23 جون2020ء) جمیعت علماء اسلام (ف)کے سربراہ مولانا فضل الرحمان اور مرکزی سیکرٹری جنرل سینیٹر مولانا عبدالغفور حیدری نے بزرگ عالم دین پیر عزیز الرحمن ہزاروی کے انتقال پر دکھ اور افسوس کا اظہار کرتے ہوئے کہا ہے کہ ان کی رحلت سے جمعیت علماء اسلام عظیم رہنما سے محروم ہوگئی ہے۔

(جاری ہے)

منگل کو جاری تعزیتی بیان میں انہوں نے کہا پیر عزیز الرحمن نے اپنی پوری زندگی اشاعت اسلام اور اپنے روحانی علم سے لوگوں کے دلوں پر محنت کی۔مرحوم کی دینی خدمات ہمیشہ یاد رکھی جائیں گی۔انہوں نے دعا کی اللہ پاک مرحوم کی مغفرت فرمائے اور لواحقین کو صبر جمیل عطا فرمائے۔