امارات میں عرب دنیا کا پہلا نیوکلیئر پلانٹ فعال

پیر 3 اگست 2020 10:55

ابوظہبی ۔ (اُردو پوائنٹ اخبارتازہ ترین - اے پی پی۔ 03 اگست2020ء) متحدہ عرب امارات نے براکہ میں عرب دنیا کے پہلے نیوکلیئر پلانٹ کے ابتدائی آپریشن کا کامیابی سے آغاز کر دیا ہے۔امارات کی سرکاری نیوز ایجنسی وام کے مطابق براکہ جوہری توانائی پلانٹ کے یونٹ ون کا کامیابی سے آغاز امارات نیوکلیئر انرجی کارپوریشن کی ذیلی کمپنی نواح انرجی کمپنی نے کیا ہے۔

(جاری ہے)

دبئی کے حکمران شیخ محمد بن راشد المکتوم نے ٹوئٹر پر اپنے پیغام میں بتایا کہ 'ٹیم نے ایندھن بھرنے کا عمل کامیابی سے مکمل کرلیا اور جامع ٹیسٹ کیے۔ میں اپنے بھائی محمد بن زاید کو اس کامیابی پر مبارکباد دیتا ہوں۔'اماراتی نیوز ایجنسی کے مطابق 'براکہ کے یونٹس میں سے ایک کا فعال ہوجانا متحدہ عرب امارات کے پٴْرامن جوہری توانائی پروگرام کے لیے تاریخی سنگ میل ہے کیونکہ یہ اس عمل کا حصہ ہے جس کے تحت ملک کے لیے آئندہ 60 سال تک بجلی پیدا ہوسکے گی۔

Facebook Twitter Google + Share on Whatsapp

امارات میں عرب دنیا کا پہلا نیوکلیئر پلانٹ فعال

متعلقہ عنوان :

مزید بین الاقوامی خبریں