اداکار رابرٹ پیٹنسن کاکورونا وائرس ٹیسٹ مثبت آگیا، فلم ’’دا بیٹ مین‘‘ کی عکسبندی عارضی طور پر معطل

جمعہ 4 ستمبر 2020 12:19

لاس اینجلس (اُردو پوائنٹ اخبارتازہ ترین - اے پی پی۔ 04 ستمبر2020ء) ہالی وڈ کی سپرہیرو فلم ’’ بیٹ مین ‘‘ سلسلے کی نئی فلم ’’دا بیٹ مین‘‘ کے مرکزی اداکار رابرٹ پیٹنسن کا کووڈ۔19 ٹیسٹ مثبت آنے کے باعث فلم کی عکسبندی عارضی طور پر روک دی گئی۔

(جاری ہے)

ذرائع ابلاغ کے مطابق فلم کی ڈسٹریبوشن کمپنی وارنر برادرز نے جاری بیان میں بتایا کہ فلم کی عکسبندی گزشتہ سال ستمبر میں شروع کی گئی لیکن رواں سال کے آغاز میں کورونا وائرس کی وبا اور لاک ڈائون کے باعث عکسبندی روک دی گئی اور اب حال ہی میں 6 ماہ بعد لندن میں عکسبندی دوبارہ شروع کی گئی جو مرکزی اداکار رابرٹ پیٹنسن کے کورونا وائرس میں مبتلا ہونے کے بعد دوسری بار عارضی طور پر ملتوی کر دی گئی ہے ۔

میٹ ریوز کی ہدایت کاری میں بننے والی فلم کی دیگر کاسٹ میں زوئے کریوٹز، پائول ڈینو، جیفری رائٹ، کولن فیرل شامل ہیں۔ فلم آئندہ سال اکتوبر میں ریلیز ہو گی۔