اسلام آباد چیمبرآف کامرس کے نئے عہدیداران کیلئے کاغذات نامزدگی داخل

ًسردار یاسر الیاس خان صدر، محترمہ فاطمہ عظیم سنیئر نائب صدر اورعبد الرحمن خان نائب صدر کسی اور امیدوار کی طرف سے کاغذات جمع نہ کرانا فاؤنڈر گروپ پر اعتماد ہے۔ میاں اکرم فرید

منگل 22 ستمبر 2020 23:09

اسلام آباد چیمبرآف کامرس کے نئے عہدیداران کیلئے کاغذات نامزدگی داخل

اسلام آباد(اُردو پوائنٹ اخبارتازہ ترین - آن لائن۔ 22 ستمبر2020ء) نالیکشن کے بعد اسلام آبادچیمبر آف کامرس اینڈ انڈسٹری کے نئے عہدیداران کیلئے کاغذات نامزدگی داخل کرائے گئے۔صدارت کے لئے سردار یاسر الیاس خان،سنیئر نائب صدر کے لئے محترمہ فاطمہ عظیم اور نائب صدر کے لئے عبد الرحمن خان نے کاغذات نامزدگی داخل کرائے۔

(جاری ہے)

اس موقع پر فاؤنڈر گروپ کے چیئرمین میاں اکرم فرید،ایف پی سی سی آئی کے سابق صدور زبیر احمد ملک اور عبد الرؤف عالم، فاؤنڈر گروپ کی الیکشن مہم کے چیئرمین اور چیمبر کے سابق صدر محمد اعجاز عباسی،سابق صدور خالد جاوید، طارق صادق، میاں شوکت مسعود، خالد اقبال ملک، ا حمد حسن مغل کے علاوہ چوہدری وحیدالدین، ناصر قریشی، محمد اسلم کھوکھر،خالد محمود چوہدری،محمد نوید ملک اور امیدواران سردار یاسر الیاس خان،محترمہ فاطمہ عظیم اور عبدالرحمن خان اس موقع پر موجودتھے۔

فاؤنڈر گروپ کے چیئرمین میاں اکرم فرید نے اس موقع پر اپنے خیالات کا اظہار کرتے ہوئے کہا کہ آج کسی اور امیدوار کی طرف سے کاغذات نامزدگی جمع نہ کرانا فاؤنڈر گروپ پر اعتماد کااظہار ہے۔ الیکشن کمیشن کاغزات کی سکروٹنی کر کے امیدواروں کے بلا مقابلہ انتخاب کا اعلان کرے گا