رویندرا جڈیجا آسٹریلیا کیخلاف ٹی ٹوئنٹی سیریز سے باہر

ابتدائی طور پر جڈیجا کی چوٹ سے متعلق تشخیص ہوگئی ہے جس کے بعد اب وہ سیریز کے باقی میچز نہیں کھیل سکیں گے

ہفتہ 5 دسمبر 2020 15:00

رویندرا جڈیجا آسٹریلیا کیخلاف ٹی ٹوئنٹی سیریز سے باہر

سڈنی (اُردو پوائنٹ اخبارتازہ ترین - این این آئی۔ 05 دسمبر2020ء) آسٹریلیا کے خلاف پہلے ٹی ٹوئنٹی میچ میں جیت میں اہم کردار ادا کرنے والے بھارتی آل رائونڈر رویندرا جڈیجا سیریز کے دیگر2 میچوں میں نہیں کھیل پائیں گے۔

(جاری ہے)

پہلے ٹی ٹوئنٹی میچ کے آخری اوور میں آسٹریلوی فاسٹ بالر مچل اسٹارک کی بائونسر رویندرا جڈیجا کے سر میں لگی تھی جس کے باعث اب وہ سیریز کے دیگر میچز میں بھارت کو دستیاب نہیں ہوں گے۔

بی سی سی آئی کی میڈیا ریلیز کے مطابق رویندرا جڈیجا کو نگرانی میں رکھا جائیگا، ضرورت محسوس ہونے پر ان کے مزید اسکین کئے جائیں گے۔ابتدائی طور پر جڈیجا کی چوٹ سے متعلق تشخیص ہوگئی ہے جس کے بعد اب وہ سیریز کے باقی میچز نہیں کھیل سکیں گے۔واضح رہے کہ بھارت نے پہلے ٹی ٹوئنٹی میچ میں آسٹریلیا کو 11 رنز سے ہرا دیا تھا۔ میچ میں رویندرا جڈیجا نے 44 رنز کی اننگز کھیلی تھی۔