سرگودھا سے لیگی رکن قومی اسمبلی نے نواز شریف کی ہدایت پر استعفیٰ جمع کرادیا

پیر 7 دسمبر 2020 23:29

اسلام آباد (اُردو پوائنٹ اخبارتازہ ترین - این این آئی۔ 07 دسمبر2020ء) پاکستان مسلم لیگ (ن) کے سرگودھا سے قومی اسمبلی کے رکن چوہدری حامد حمید نے پارٹی قیادت کے پاس اپنا استعفیٰ جمع کرادیا۔چوہدری حامد حمید قومی اسمبلی کے حلقے این اے 90 سرگودھا 3 سے مسلم لیگ (ن) کے ٹکٹ پر رکن منتخب ہوئے ہیں۔

(جاری ہے)

چوہدری حامد حمید ے مطابق پارٹی قیادت نے تمام اراکین اسمبلی سے استعفے طلب کرلیے ہیں اور انہوں نے اپنے قائد کے اشارے پر استعفیٰ جمع کرادیا ہے۔

سرگودھا میں اپنی رہائش گاہ پر میڈیا سے گفتگو میں انہوں نے کہا کہ غیر منتخب لوگ غیر جمہوری طریقے سے حکومت چلارہے ہیں۔انہوںنے کہاکہ پارٹی کی قیادت کی جانب سے تمام منتخب نمائندوں سے استعفے طلب کیے جانے پر سب سے پہلے انہوں نے اپنا استعفیٰ باضابطہ طور پر جمع کرادیا ہے۔