بنگلہ دیشی دوا ساز کمپنی نے کورونا ویکسین کی آزمائش کیلئے اجازت طلب کرلی

پیر 18 جنوری 2021 14:58

ڈھاکہ (اُردو پوائنٹ اخبارتازہ ترین - این این آئی۔ 18 جنوری2021ء) بنگلہ دیش کی دوا ساز کمپنی نے اپنی تیار کردہ کورونا وائرس ویکسین کی انسانی آزمائش کے لیے حکومت سے اجازت طلب کرلی ہے۔

(جاری ہے)

غیرملکی خبررساں ادارے کے مطابق بنگلہ دیش کی نجی کمپنی گلوب بائیوٹیک نے جانوروں پر تجربات میں کامیابی کے بعد انسانوں میں ویکسین آزمائش کے لیے بنگلہ دیش میڈیکل ریسرچ کونسل کو درخواست دے دی ۔بنگلہ دیش کا 25 جنوری تک آکسفورڈ اور آسٹرازینیکا کورونا ویکسین کی 50 لاکھ خوراکیں بھارت سے لینے کا ارادہ ہے جبکہ بنگلہ دیش میں چین کی کورونا ویکسین کے آزمائشی تجربات بھی زیرغور ہیں۔واضح رہے کہ بنگلہ دیش میں کورونا کیسز 5 لاکھ 27 ہزار سے زیادہ اور اموات 7 ہزار سے زائد ہیں۔