بنگلہ دیش، کرکٹ میچ کورونا کی نذر

آئرش پلیئر وہان پیٹریس کا کورونا ٹیسٹ مثبت آنے کی اطلاع پر میچ فوری طور پر ختم کردیا گیا

ذیشان مہتاب ہفتہ 6 مارچ 2021 13:11

چٹاگرام (اردو پوائنٹ تازہ ترین اخبار ۔ 6 مارچ 2021ء ) بنگلہ دیش ایمرجنگ ٹیم اور آئرلینڈ اے کا میچ کورونا کے سبب ملتوی کردیا گیا۔ جمعہ کو میچ میں 30 اوورز ہی کرائے گئے تھے اور بنگلہ دیش ایمرجنگ ٹیم نے 4 وکٹوں کے نقصان پر 122 رنز سکور کیے تھے ، اس موقع پر ایک آئرش پلیئر وہان پیٹریس کا کورونا ٹیسٹ مثبت آنے کی اطلاع پر میچ فوری طور پر ختم کردیا گیا ۔

ان کو ایک روز قبل کچھ بیماری ظاہر ہوئی تھی اور اس پر ان کا کورونا ٹیسٹ لیا گیا تھا۔

(جاری ہے)

اس سے قبل بنگلہ دیش ایمرجنگ الیون نے واحد غیر سرکاری ٹیسٹ اننگز اور 23 رنز سے جیتا تھا۔ اگلے دو ون ڈے بالترتیب 7 اور 9 مارچ کو اسی مقام پر کھیلے جائیں گے جب کہ شیر بنگلہ نیشنل کرکٹ سٹیڈیم 12 اور 14 مارچ کو باقی دو ون ڈے میچوں کی میزبانی کرے گا۔ 17 اور 18 مارچ کو دونوں ٹی ٹونٹی میچز ایس بی این ایس سٹیڈیم میں ہوں گے ۔