رمضان المبارک کے مقدس مہینے میں بھی فلسطینیوں پر اسرائیل کا ظلم نہ رک سکا

مقبوضہ بیت المقدس میں صیہونی فورسز نے نوجوانوں پر طاقت کا بے دریغ استعمال کیا، اندھا دھند فائرنگ سے سو سے زائد فلسطینی زخمی ہو گئے

جمعہ 23 اپریل 2021 21:40

مقبوضہ بیت المقدس (اُردو پوائنٹ اخبارتازہ ترین - آن لائن۔ 23 اپریل2021ء) رمضان المبارک کے مقدس مہینے میں بھی فلسطینیوں پر اسرائیل کا ظلم نہ رک سکا۔ مقبوضہ بیت المقدس میں صیہونی فورسز نے نوجوانوں پر طاقت کا بے دریغ استعمال کیا، اندھا دھند فائرنگ سے سو سے زائد فلسطینی زخمی ہو گئے۔

(جاری ہے)

مقبوضہ بیت المقدس کے معروف دمشق گیٹ پر جھڑپیں، صیہونی فورسز نے فلسطینیوں پر بے دریغ گولیاں چلائیں، آنسو گیس کے شیل پھینکے اور واٹر کینن کا استعمال بھی کیا۔

اسرائیلی فورسز نے چند نوجوانوں کو گرفتار بھی کر لیا، رمضان المبارک کے دوران نماز جمعہ کے لیے آئے کئی فلسطینی اسرائیل مظالم کی وجہ سے مسجد میں داخل نہ ہو سکے۔مقبوضہ بیت المقدس میں انتہا پسند اسرائیلیوں نے عبادت کے لیے جانے والے معصوم فلسطینیوں پر دھاوا بول دیا تھا، اسرائیلی فورسز نے انہیں ہٹانے کی بجائے فلسطینیوں پر مظالم ڈھا دیئے جو مسجد جانے کی بجائے خون میں نہائے ہسپتال پہنچ گئے۔