بشریٰ انصاری نے معین اختر کیساتھ اپنی بیٹی میرا انصاری کے بچپن کی تصویر شیئر کردی

ہفتہ 12 جون 2021 14:43

کراچی (اُردو پوائنٹ اخبارتازہ ترین - این این آئی۔ 12 جون2021ء) فلم و ٹی وی انڈسٹر ی کی سینئر اداکارہ بشریٰ انصاری نے صدارتی ایوارڈ یافتہ اداکار معین اختر کے ساتھ اپنی بیٹی میرا انصاری کے بچپن کی تصویر سوشل میڈیا پر شیئر کردی۔بشریٰ انصاری نے انسٹاگرام اکاؤنٹ پر ماضی کی ایک حسین یاد شیئر کی ہے جو اداکارہ کے جوانی کے دنوں کی ہے۔

(جاری ہے)

تصویر میں بشریٰ انصاری کے ہمراہ اٴْن کی بیٹی میرا انصاری اور لیجنڈری اداکار معین اختر بھی موجود ہیں۔

انسٹاگرام پر شیئر کی گئی تصویر میں میرا انصاری مائیک میں کچھ بول رہی ہیں جبکہ بشریٰ انصاری اور معین اختر اٴْن کا حوصلہ بٴْلند کرتے نظر آرہے ہیں۔بشریٰ انصاری نے تصویر کے کیپشن میں لکھا کہ ’میرے لیجنڈری دوست معین اختر اور میری پیاری بیٹی میرا انصاری۔‘سینئر اداکارہ کی اس پوسٹ کو صارفین بہت پسند کررہے ہیں جبکہ تبصروں کا سلسلہ بھی جاری ہے۔