کم ترین اننگز میں 1000 ٹی ٹونٹی رنز، محمد رضوان نے کرس گیل ،ڈیوڈ وارنر کو پیچھے چھوڑ دیا

وکٹ کیپر بلے باز کم ترین اننگز میں یہ کارنامہ سر انجام دینے والے چھٹے بلے باز بن گئے

ذیشان مہتاب جمعہ 23 جولائی 2021 12:07

کم ترین اننگز میں 1000 ٹی ٹونٹی رنز، محمد رضوان نے کرس گیل ،ڈیوڈ وارنر ..

مانچسٹر (اردو پوائنٹ تازہ ترین اخبار ۔ 23 جولائی 2021ء ) پاکستان کے سٹار وکٹ کیپر بلے باز محمد رضوان نے ٹی 20 فارمیٹ میں ایک ہزار رنز مکمل کرلیے ہیں۔ انہوں نے یہ کارنامہ انگلینڈ کے خلاف اپنے 39 ویں میچ کی 31 ویں اننگز میں سر انجام دیا ۔ 29 سالہ محمد رضوان اب کرس گیل، کین ولیمسن، ڈیوڈ وارنر، ایون لوئیس روہت شرما سے کم اننگز کھیل کر 1000 ٹی ٹونٹی رنز مکمل کرنے والے بلے باز بن گئے ہیں ۔

رضوان کم ترین اننگز میں 1000 ٹی ٹونٹی رنز بنانے والے چھٹے تیز ترین بلے باز ہیں ۔

(جاری ہے)

ٹی 20 فارمیٹ میں محمد رضوان کی ایوریج 48.52 اور سٹرائیک ریٹ 129.15 ہے جب کہ وہ رواں سال ٹی 20 کرکٹ میں پاکستان کی جانب سے سب سے زیادہ سکور کرنے والے بلے باز بھی ہیں۔ اب تک پاکستان کی نمائندگی کرنے والے آٹھ بلے بازوں نے ایک ہزار سے زاٗٗئد رنز سکور کیے ہیں ۔ پاکستان کی جانب سے زیادہ ٹی 20 رنز بنانے والوں میں محمد حفیظ 2423 رنز بنا کر پہلے ،شعیب ملک 2323 رنز کے ساتھ دوسرے ، بابراعظم 2153 رنز بنا کر تیسرے جب کہ محمد رضوان 1019 رنز بناکر ساتویں نمبر پر موجود ہیں۔