ٹی 20 رینکنگ میں رضوان کی ترقی، ٹاپ 10 بلے بازوں میں شامل ہو گئے،بابر اعظم کی دوسری پوزیشن برقرار

انگلینڈ کے ڈیوڈ ملان ٹی 20 بلے بازوں کی فہرست میں بدستور پہلے اور آسٹریلیا کے ایرون فنچ تیسرے نمبر پر موجود ہیں، رینکنگ جاری

جمعہ 23 جولائی 2021 12:40

اسلام آباد (اُردو پوائنٹ اخبارتازہ ترین - این این آئی۔ 23 جولائی2021ء) قومی ٹیم کے وکٹ کیپر بلے باز محمد رضوان آئی سی سی ٹی 20 رینکنگ میں ترقی پاتے ہوئے ٹاپ ٹین بلے بازوں میں شامل ہو گئے۔آئی سی سی ٹی 20 کی تازہ ترین رینکنگ کے مطابق پاکستان کے محمد رضوان ترقی پاتے ہوئے ساتویں نمبر پر آ گئے ہیں ،قومی ٹیم کے کپتان بابر اعظم کی دوسری پوزیشن برقرار ہے۔

(جاری ہے)

انگلینڈ کے ڈیوڈ ملان ٹی 20 بلے بازوں کی فہرست میں بدستور پہلے اور آسٹریلیا کے ایرون فنچ تیسرے نمبر پر موجود ہیں۔ٹی 20 بولرز کی رینکنگ میں ابتدائی 10 کھلاڑیوں میں ایک بھی پاکستانی بولر شامل نہیں ہے۔بولنگ کے شعبے میں پہلا نمبر نیوزی لینڈ کے ٹرینٹ بولٹ کا ہے جبکہ دوسرے نمبر پر افغانستان کے مجیب الرحمان اور انگلینڈ کے کرس ووکس تیسرے نمبر پر ہیں۔بولنگ میں قومی فاسٹ بولر شاہین شاہ آفریدی 4 درجے ترقی پاکر 13 ویں نمبر پر پہنچ گئے ہیں۔