چھٹے نیشنل بینک پریذیڈنٹ کپ ٹی ٹوئنٹی کرکٹ ٹورنامنٹ کے بقیہ میچوں کے شیڈول کا اعلان

منگل 27 جولائی 2021 18:33

کراچی (اُردو پوائنٹ اخبارتازہ ترین - این این آئی۔ 27 جولائی2021ء) چھٹے نیشنل بینک پریذیڈنٹ کپ ٹی ٹوئنٹی کرکٹ ٹورنامنٹ کوویڈکے سبب7 اپریل کو ایونٹ کے ملتوی شدہ میچز31 جولائی کو شروع ہونگے یہ اعلان ٹورنامنٹ کے منتظم اعلی اور نیشنل بینک شعبہ اسپورٹس کے سربراہ ارشدحسین نے ٹورنامنٹ کمیٹی کی میٹنگ کے شرکا سے خطاب کرتے ہوئے کیا۔ اس موقع پر انٹر نیشنل کرکٹر سعید آزاد ، ایونٹ مینجر انورفاروقی ، عظمت اللہ خان ، سلمان حسین کاظمی اور دیگر موجود تھے ۔

انہوں نے مزید کہاکہ لیگ کے بقیہ میچز سائوتھ ریجن ، آر بی جی واریرز،بورڈ فالکنز،آئی ایف آئی آرجی یونائیٹڈ،آڈٹ اسپارٹنز،لاجسٹک لائنز، سی آئی بی جی واریرز،ویسٹ ریجن، ایس کیو جی شاندار، ایچ آر ایم جی ہائی ریسرز، ایف سی جی کنگ،لیگل لجینڈز،کے درمیان نیشنل بینک اسپورٹس کمپلیکس ،النادی البرہانی گرائونڈ ،ڈی ایچ اے معین خان اکیڈیمی ،لانڈھی جمخانہ گرائونڈ پر کھیلے جائیں گے۔

(جاری ہے)

3 اگست تا4 اگست کوارٹرفائنلز برقی قمقموں کی روشی میں نیا ناظم آباد میں،ٹی ایم سی کرکٹ گرائونڈ گلبرگ میںاور7 اگست کو سیمی فائنلزجبکہ فائنل 8 اگست کو نیشنل بینک اسپورٹس کمپلیکس پر کھیلاجائے گا ۔درین اثناایس کیوجی شاندار،ر لاجسٹک لائنز ، آرایم جی ماروکس اور آپریشن واریرز نے کواٹرفائنلز کے لیئے کوالیفائی کر لیا تھا۔