جنگلات میں لگنے والی آگ میں تخریب کاری کے امکان پر غور کر رہے ہیں،ترک صدر

اگر کوئی ذمہ دارہواتو انہیں تنہا نہیں چھوڑا جائے گا اور نقصانات کا ازالہ کیا جائے گا، رجب طیب اردگان

پیر 2 اگست 2021 14:50

جنگلات میں لگنے والی آگ میں تخریب کاری کے امکان پر غور کر رہے ہیں،ترک ..

استنبول(اُردو پوائنٹ اخبارتازہ ترین - این این آئی۔ 02 اگست2021ء) ترک صدر رجب طیب اردگان نے کہا ہے کہ جنگلات میں لگنے والی آگ میں تخریب کاری کے امکان پر غور کر رہے ہیں۔ دو فائر فائٹرز سمیت جاں بحق ہونے والوں کی تعداد 8 ہو گئی۔میڈیاارپورٹس کے مطابق ترکی کے جنوبی ساحلی علاقوں کے جنگلات میں آتشزدگی پر قابو پانے کے لیے کوششیں جاری ہیں، ترک صدر رجب طیب اردگان نے متاثرہ علاقوں کا دورہ کیا۔

اس موقع پر ان کا کہنا تھا کہ اشارے ملے ہیں کہ آگ لگنے کے واقعات کے پیچھے کوئی سازش ہے۔

(جاری ہے)

اگر سازش ثابت ہوئی تو ذمہ داروں کو نہیں چھوڑا جائے گا۔ انہوں نے متاثرین سے ملاقات کے دوران کہا کہ انہیں تنہا نہیں چھوڑا جائے گا اور نقصانات کا ازالہ کیا جائے گا۔جنگلات میں لگی آگ سے مزید دو افراد جاں بحق ہو گئے، مزید 10 افراد زخمی ہوئے جنہیں ہسپتال منتقل کردیا گیا، فائرفائٹرز مختلف صوبوں کے جنگلات میں لگی آگ بجھانے کی کوششوں میں مصروف ہیں۔ترک وزیر جنگلات کے مطابق 107 مقامات میں سے 98 مقامات پر لگی آگ بجھا دی گئی ہے۔ آگ سے متاثرہ سیاحتی علاقے مارمرس سے غیرملکی سیاحوں کو نکال لیا گیا ہے۔