استور سے تعلق رکھنے والے100معذور افراد میں ویل چئیرز تقسیم کئے گئے

جمعرات 16 ستمبر 2021 19:50

استور۔16ستمبر (اردوپوائنٹ اخبارتازہ ترین۔ 15 ستمبر2021ء) :ضلع استور میں سوشل ویلفئیر کے زیر اہتمام کشمیر آرفن ریلیف ٹرسٹ نے استور سے تعلق رکھنے والے100معذور افراد میں ویل چئیرز تقسیم کئے۔اس موقع پر اسٹنٹ کمشنر ہیڈکواٹر نثار احمد،کشمیر آرفن ٹرسٹ کے اسٹنٹ ڈائریکٹر عبدالوہاب فاخر نے معذور افراد میں ویل چئیرز تقسیم کئے۔

(جاری ہے)

تقریب سے خطاب کرتے ہوئے اے سی ہیڈکواٹر نثار احمدنے کہاکہ ہم کشمیر آرفن ریلیف ٹرسٹ کے چیر پرسن اور انکی پوری ٹیم کے مشکور ہیں کہ جنہوں نےکشمیر سے یہاں آکر ان معذور افراد کی حوصلہ افزائی کےلئے ویل چئیرز تقسیم کئے آج کل دنیا اپنے اپنے معمولات میں مگن ہے ہر طرف نفسا نفسی ہے ایسے میں اللہ کے نیک لوگ ان معذور افراد کےلئے سہارابن کر ان کےلئے ویل چئیرز تقسیم کررہے ہیں میں انکی اس کاوش کو سلام پیش کرتاہوں۔