موٹاپے کے باعث فلموں سے دور ہونیوالے فردین خان کی نئی تصاویر دیکھ کر مداح حیران

کورونا لاک ڈاؤن کے دوران خود پر توجہ دینی شروع کی اور 18 کلو وزن کم کیا،فردین خان

ہفتہ 16 اکتوبر 2021 11:53

موٹاپے کے باعث فلموں سے دور ہونیوالے فردین خان کی نئی تصاویر دیکھ کر ..

ممبئی(اُردو پوائنٹ اخبارتازہ ترین - این این آئی۔ 16 اکتوبر2021ء) موٹاپے کے باعث فلموں سے سالوں تک دور رہنے والے بالی ووڈ اداکار فردین خان کی نئی تصاویر دیکھ کر مداح دنگ رہ گئے۔ اداکار فردین خان کو ممبئی میں ٹی سیریز کے آفس کے باہر دیکھا گیا جہاں وہ اپنی ماضی کی وائرل ہونے والی تصاویر میں موجود فردین خان سے بالکل مختلف نظر آئے۔ فردین خان 11 سال قبل 2010 میں آخری بار ہدایت کار مدثر عزیز کی فلم ’’دولہا مل گیا‘‘ میں نظر آئے تھے جس کے بعد سے وہ اسکرین سے غائب ہوگئیاور پھر ان کی کچھ تصاویر انٹرنیٹ پر وائرل ہوئیں جن میں ان کا وزن بے حد زیادہ نظر آرہا تھا۔

یہاں تک کہ موٹاپے کے باعث انہیں پہچاننا بھی بے حد مشکل ہورہا تھا۔تاہم اب حال ہی میں فردین خان کی وائرل ہونے والی تصاویر میں وہ سفید شرٹ اور بلیو جینز میں بالکل فٹ اور پرکشش نظر آئے۔

(جاری ہے)

دراصل فردین خان 11 سال بعد ایک بار پھر فلموں میں واپسی کررہے ہیں۔فردین خان ہدایت کار سنجے گپتا کی فلم ’’وسفوٹ‘‘ میں نظر آئیں گے جس کے پروڈیوسر بھوشن کمار ہیں۔

اسی فلم کیلئے فردین خان نے خود کو ٹرانسفورم (تبدیل) کیا ہے۔ممبئی میں ٹی سیریز کے آفس کے باہر فردین خان خاصے خوش نظر آئے اور انہوں نے صحافیوں کو مسکراتے ہوئے کئی پوز دئیے۔فردین خان کی نئی تصاویر جیسے ہی وائرل ہوئیں سوشل میڈیا صارفین نے ان کا موازنہ ان کی پرانی تصاویر کے ساتھ کرنا شروع کردیا جن میں وہ موٹاپے کا شکار نظر آرہے تھے۔فردین خان نے اپنے وزن میں کمی کے بارے میں بات کرتے ہوئے کہا کہ کورونا لاک ڈاؤن کے دوران انہوں نے خود پر توجہ دینی شروع کی اور 18 کلو وزن کم کیا۔