ٹی ٹونٹی ورلڈ کپ، نممبیا کی آئرلینڈ کو اپ سیٹ شکست،آخری 12 ٹیموں میں جگہ بنالی

نممبیا نے 126 رنز کا ہدف 2 وکٹوں پر پورا کیا

ذیشان مہتاب جمعہ 22 اکتوبر 2021 18:24

ٹی ٹونٹی ورلڈ کپ، نممبیا کی آئرلینڈ کو اپ سیٹ شکست،آخری 12 ٹیموں میں ..

شارجہ (اردو پوائنٹ تازہ ترین اخبار ۔ 22 اکتوبر 2021ء ) ٹی 20ورلڈ کپ کے گروپ اے کے کوالیفائر میچ میں نممبیا نے آئرلینڈ کو 8 وکٹوں سے ہرا کر رائونڈ آف 12 کے لیے کوالیفائی کرلیا۔ شارجہ میں کھیلے جارہے میچ میں آئرلینڈ نے ٹاس جیت کر پہلے بیٹنگ کی اور مقررہ 20 اوورز میں 8وکٹ پر 125رنز بنائے۔ اوپنرز پال سٹرلنگ اور کیوین او برائن نے ٹیم کو اچھا آغاز فراہم کیا، دونوں نے پاور پلے میں 55 رنز بنائے۔

تاہم 62 کے سکور پر آئرلینڈ کو پہلا نقصان اس وقت ہوا جب پال سٹرلنگ 38 رنز بناکر آؤٹ ہوئے، اس کے بعد کیوین او برائن بھی اگلے اوور میں 25 رنز بناکر چلتے بنے۔ پھر آئرلینڈ کے رنز بنانے کی رفتار رک گئی، کپتان اینڈی بلبائرن نے 21 رنز بنائے، ان کے علاوہ کوئی اور پلیئر ڈبل فیگرز میں سکور نہ کرسکا اور ٹیم 20 اوورز میں 125 رنز ہی بناپائی۔

(جاری ہے)

جین فرائی لنک نے 21 رنز دے کر 3 کھلاڑیوں کو آؤٹ کیا جبکہ ڈیوڈ ویسا نے 2 وکٹیں لیں۔

نمیبیا نے آئرلیںڈ کی جانب سے دیا جانے والا 126 رنز کا ہدف 19ویں اوورز میں پورا کرلیا، کپتان ایرازمس نے نصف سنچری سکور کی۔ آل راؤنڈر ڈیوڈ ویزے نے 28 رنز کی اننگز کھیلی، آٗئرلینڈ کی جانب سے فاسٹ بولر کرسٹس کیمفر دو وکٹیں حاصل کرسکے۔ ٹی20 ورلڈکپ کے ابتدائی راؤنڈ کے آخری 2 میچز کھیلے جائیں گے، گروپ اے میں سے سری لنکا پہلے ہی 2 فتوحات کے ساتھ سپر 12 راؤنڈ میں سیٹ بک کراچکا ہے جبکہ نمیبیا اور آئرلینڈ کے درمیان دوسری خالی جگہ پر کرنے کیلئے سخت مقابلہ متوقع ہے۔ واضح رہے کہ دونوں ہی ٹیموں کو سری لنکا کے ہاتھوں شکست ہوئی جبکہ دونوں نے ہی نیدرلینڈز کو ہرایا ہوا ہے۔