مڈل آرڈر بیٹر شریاس آئر ڈیبیو ٹیسٹ میں سنچری اور ففٹی بنانے والے پہلے بھارتی کرکٹر بن گئے

پیر 29 نومبر 2021 15:49

کانپور(اُردو پوائنٹ اخبارتازہ ترین - این این آئی۔ 29 نومبر2021ء) مڈل آرڈر بیٹر شریاس آئر ڈیبیو ٹیسٹ میں سنچری اور ففٹی بنانے والے پہلے بھارتی کرکٹر بن گئے۔

(جاری ہے)

شریاس آئر نے یہ کارنامہ نیوزی لینڈ سے جاری سیریز کے ابتدائی ٹیسٹ میں چوتھے دن انجام دیا، پہلی اننگز میں 105 رنز بنانے والے آئر نے دوسری کاوش میں 125 بالز پر 65 رنز بناکر پویلین کی راہ لی، ڈیبیو ٹیسٹ میں سنچری اور ففٹی بنانے والے وہ دنیا کے مجموعی طور پر 10ویں کرکٹر بنے۔

ڈیبیو میچ کی دونوں اننگز میں ففٹیز بنانے والے تیسرے بھارتی بنے، ان سے قبل انگلینڈ کیخلاف کولکتہ ٹیسٹ 1933-34 میں دلاور حسین نے 59 اور 57رنز اسکور کیے تھے، سنیل گاوسکر نے ویسٹ انڈیز کیخلاف پورٹ آف اسپین پر 65 اور 67 ناٹ آؤٹ بناکر شروعات کی تھی، سیزن 1970-71 رہا۔