سابق چیف جج گلگت بلتستان رانا شمیم کا نام ای سی ایل میں ڈالنے کی درخواست سماعت کے لیے مقرر

خدشہ ہے رانا شمیم بیرون ملک فرار نہ ہوجائیں، عدالت رانا شمیم کا نام ای سی ایل میں ڈالنے حکم دے، درخواست گزار

کامران حیدر اشعر ہفتہ 4 دسمبر 2021 20:03

اسلام آباد (اُردو پوائنٹ اخبارتازہ ترین۔ 04 دسمبر2021ء) سابق چیف جج گلگت بلتستان رانا شمیم کا نام ای سی ایل میں ڈالنے کی درخواست سماعت کے لیے مقرر۔ خدشہ ہے رانا شمیم بیرون ملک فرار نہ ہوجائیں، عدالت رانا شمیم کا نام ای سی ایل میں ڈالنے حکم دے، درخواست گزار۔ تفصیلات کے مطابق سابق چیف جج گلگت بلتستان رانا شمیم کا نام ای سی ایل میں ڈالنے کی درخواست سماعت کے لیے مقررہو گئی ہے۔

میڈیا رپورٹس کے مطابق اسلام آباد ہائی کورٹ نے سابق چیف جج گلگت بلتستان رانا شمیم کا نام ای سی ایل میں ڈالنے کے لیے دائر کی گئی درخواست سماعت کے لیے مقرر کر دی ہے۔ عدالتِ عالیہ کی جانب سے سابق چیف جج گلگت بلتستان رانا شمیم کے بیانِ حلفی کی خبر پر توہینِ عدالت کیس میں ان کا نام ای سی ایل میں ڈالنے کی درخواست پر سماعت مقرر کی گئی ہے۔

(جاری ہے)

اسلام آباد ہائی کورٹ کے چیف جسٹس اطہر من اللّٰہ پیر 6 دسمبر کو درخواست کی سماعت کریں گے۔

واضح رہے کہ سابق چیف جج گلگت بلتستان رانا شمیم کا نام ای سی ایل میں شامل کرنے کی درخواست اسلام آباد ہائی کورٹ میں ایڈووکیٹ سپریم کورٹ رائے نواز کھرل نے جمع کرائی ہے۔ رائے نواز کھرل ایڈووکیٹ نے رانا شمیم کے خلاف توہینِ عدالت کیس میں فریق بننے کی درخواست بھی دائر کی ہے اور موقف اپنایا کہ کیس میں فریق بنائیں، ثبوت پیش کروں گا کہ رانا شمیم کرپٹ اور بددیانت ہیں۔ درخواست میں کہا گیا کہ رانا شمیم کے بیرونِ ملک فرار ہونے کا خدشہ ہے، لہٰذا ان کا نام ای سی ایل میں شامل کرنے کا حکم دیا جائے۔