ورلڈ ٹیسٹ چیمپئن شپ،پاکستان کی تیسری پوزیشن

پیر 17 جنوری 2022 22:04

دبئی (اُردو پوائنٹ اخبارتازہ ترین - آن لائن۔ 17 جنوری2022ء) انٹرنیشنل کرکٹ کونسل نے انگلینڈ اور آسٹریلیا کے درمیان ختم ہوئی ایشز سیریز کے بعد ورلڈ ٹیسٹ چیمپئن شپ کی رینکنگ جاری کردی ہے، جس میں قومی ٹیم تیسرے نمبر پر ہے۔آئی سی سی کی جانب سے جاری کردہ ٹیسٹ رینکنگ کے پوائنٹس ٹیبل کے مطابق فہرست میں سری لنکا پہلی پوزیشن پر ہے، جس نے اب تک 2 میچز کھیلے ہیں اور دونوں میں کامیابی حاصل کی ہے۔

(جاری ہے)

حال ہی میں ایشیز سیریز میں انگلینڈ کو شکست دینے کے بعد آسٹریلیا پوائنٹس ٹیبل میں دوسرے نمبر پر ہے، جس نے اب تک کھیلے گئے 5 میچز میں سے 4 جیتے ہیں جبکہ ان کا ایک میچ برابر ہوا ہے۔قومی ٹیم پوائنٹس ٹیبل میں تیسرے نمبر پر ہے، پاکستان نے 3 ٹیسٹ میچز کھیلے ہیں جس میں سے دو میں فتح حاصل کی اور ایک میچ میں شکست ہوئی ہے۔آئی سی سی کی ٹیسٹ رینکنگ کے پوائنٹس ٹیبل پر جنوبی افریقا چوتھے، بھارت پانچویں، نیوزی لینڈ چھٹے، بنگلادیش ساتویں، ویسٹ انڈیز آٹھویں اور انگلینڈ کی ٹیم نویں نمبر پر ہے۔

Facebook Twitter Google + Share on Whatsapp

ورلڈ ٹیسٹ چیمپئن شپ،پاکستان کی تیسری پوزیشن

متعلقہ عنوان :

مزید کھیلوں کی خبریں