کراچی میں پورٹ قاسم کے قریب ڈیزل سے بھرا جہاز ریت میں پھنس گیا

جہاز’’ہائی پروسپیرٹی‘‘کو بنڈل جزیرے کے قریب سے نکالنے کی کوشش کی جا ر رہی ہے، شپنگ ذرائع

منگل 18 جنوری 2022 12:41

کراچی (اُردو پوائنٹ اخبارتازہ ترین - این این آئی۔ 18 جنوری2022ء) صوبائی دارالحکومت کراچی میں پورٹ قاسم کے قریب ڈیزل سے بھرا جہاز ریت میں پھنس گیا۔شپنگ ذرائع کے مطابق جہاز’’ہائی پروسپیرٹی‘‘کو بنڈل جزیرے کے قریب سے نکالنے کی کوشش کی جا ر رہی ہے۔

(جاری ہے)

ذرائع کے مطابق جہازصبح ساڑھے7 بجے پھنسا جس کی وجہ سے برتھنگ متاثر ہوئی۔ترجمان پورٹ قاسم کا اس حوالے سے کہنا ہے کہ جہاز پھنسنے کی وجوہات معلوم کی جارہی ہیں۔یاد رہے کہ کچھ ماہ قبل کراچی پورٹ کے قریب سی ویو کے ساحل پر بھی کنٹینرز سے لدا بحری جہاز ہینگ ٹونگ 77 پھنس گیا تھا جسے ڈیڑھ ماہ کی کوششوں کے بعد بالآخرکامیاب آپریشن کے ذریعے گہرے پانی میں پہنچایا گیا۔