نوجوان نسل کو غیرنصابی سر گرمیوں میں بڑھ چڑھ کر حصہ لینا چاہیے، وائس چانسلر بہائو الدین زکریایونیورسٹی

جمعرات 20 جنوری 2022 17:17

نوجوان نسل کو غیرنصابی سر گرمیوں میں بڑھ چڑھ کر حصہ لینا چاہیے، وائس ..
ملتان(اردو پوائنٹ تازہ ترین اخبار ۔ 20 جنوری 2022ء) بہائو الدین زکریایونیورسٹی کے وائس چانسلر پروفیسر ڈاکٹر منصور اکبر کنڈی نے کہا ہے کہ نوجوان نسل کو غیرنصابی سر گرمیوں میں بڑھ چڑھ کر حصہ لینا چاہیے۔یہ بات انہوں نے جمعرات کے روز یونیورسٹی کی طرف سے 73 ویں پنجاب گیمزمیں شرکت کرنے والی طالبات سے ملاقات کرتے ہوئے کہی۔

(جاری ہے)

ڈاکٹر منصور اکبر کنڈی نے کہا کہ میں امید کرتا ہوں گیمز میں شرکت کرنے والی طالبات کامیابی حاصل کرکے ادارے کا نام روشن کریں گی۔

واضح رہے یونیورسٹی کی طرف سے طالبات ٹیبل ٹینس، سائیکلنگ اور دیگر مقابلوں میں شر کت کریں گی۔جن میں رخسانہ، ارم،آرچری میں شائستہ کرن، حبہ، فائزہ لاریب،مناحل، ذکیہ رانی، مریم خلیل، صبا اور عائشہ شامل ہیں۔ عابدہ خان کو  طالبات کا منیجر منتخب کیا گیا ہے۔