ویسٹ انڈیز کیخلاف سیریز کیلئے آسٹریلوی ٹیم کا اعلان

آسٹریلیا اور ویسٹ انڈیز کے درمیان دو ٹی 20 میچز پر مشتمل سیریز کا پہلا میچ 5 اکتوبر کو گولڈ کوسٹ میں کھیلاجائیگا

بدھ 28 ستمبر 2022 12:05

ویسٹ انڈیز کیخلاف سیریز کیلئے آسٹریلوی ٹیم کا اعلان

سڈنی (اُردو پوائنٹ اخبارتازہ ترین - این این آئی۔ 28 ستمبر2022ء) آسٹریلیا نے ویسٹ انڈیز سے ٹی ٹوئنٹی سیریز کے لیے 16 کھلاڑیوں پر مشتمل ٹیم کا اعلان کر دیا۔کرکٹ آسٹریلیا کے مطابق ایرون فنچ آسٹریلین ٹیم کی قیادت کریں گے جبکہ کیمرون گرین کو ٹیم میں برقرار رکھا گیا ہے۔

(جاری ہے)

آسٹریلین ٹیم میں ڈیوڈ وارنر، مچل مارش، مارکوس اسٹوئنس اور مچل اسٹارک کی واپسی ہوئی ہے، چاروں کھلاڑی بھارت سے ہونے والی سیریز میں ٹیم کا حصہ نہیں تھے۔آسٹریلیا اور ویسٹ انڈیز کے درمیان دو ٹی 20 میچز پر مشتمل سیریز کا پہلا میچ 5 اکتوبر کو گولڈ کوسٹ جبکہ دوسرا اور آخری میچ 7 اکتوبر کو برسبین میں کھیلا جائے گا۔آسٹریلوی کرکٹ ٹیم ویسٹ انڈیز کے بعد انگلینڈ کے خلاف 3 ٹی ٹوئنٹی میچز کی سیریز کھیلے گی۔