ہری پور پولیس نے24 گھنٹوں کے دوران 3 منشیات فروش گرفتار کر لئے، بھاری مقدار میں منشیات و اسلحہ برآمد

منگل 27 دسمبر 2022 19:56

ہری پور (اُردو پوائنٹ اخبارتازہ ترین - اے پی پی۔ 27 دسمبر2022ء) ہری پور پولیس نے گزشتہ 24 گھنٹوں کے دوران 3 منشیات فروش کو گرفتار کر کے تقریباً 2 کلو گرام چرس، 50 لیٹر شراب، ایک پستول اور 15 کارتوس برآمد کر لئے۔ ہری پور پولیس کے مطابق ڈی پی او ہری کی ہدایت پر منشیات فروشی میں ملوث عناصر کے خلاف کارروائیاں جاری ہیں۔

(جاری ہے)

ایس ایچ او تھانہ کوٹ نجیب اللہ صدیق شاہ نے ہمراہ نارکوٹکس ایریڈیکشن ٹیم و دیگر نفری پولیس کے ایس ڈی پی او سرکل خانپور جمیل الرحٰمن کی زیر نگرانی کارروائی کے دوران منشیات فروشی میں ملوث ملزم بنارس ولد صوبہ سکنہ نگری بالا کو 1 کلو 990 گرام چرس سمیت گرفتار کر لیا۔

اطلس خان اے ایس آئی تھانہ سٹی نے ہمراہ نفری پولیس کے کارروائی کے دوران امانت علی ولد جہانزیب سکنہ مانگل ایبٹ آباد کو گرفتار کر کے اس کے قبضہ سے 30 لیٹر شراب برآمد کر لی۔ رستم شاہ آئی ایچ سی چوکی ٹی آئی پی نے ہمراہ نفری پولیس کے کارروائی کے دوران محمد رستم ولد محمد محمود سکنہ دیگراں مانسہرہ کو گرفتار کر کے 20 لیٹر شراب ،0 پستول 30 بور اور 15 عدد کارتوس برآمد کر لئے. گرفتار ملزمان کے خلاف مقدمات درج کر دیئے گئے ہیں۔