پاکستان ورلڈکپ کی پانچویں پوزیشن سے محروم ہونے سے بال بال بچ گیا

قومی ٹیم کو پوائنٹس ٹیبل پر افغانستان سے اوپر رہنے کیلئے 188 رنز درکار تھے

محمد علی ہفتہ 11 نومبر 2023 20:39

کولکتہ (اردو پوائنٹ تازہ ترین اخبار ۔ 11 نومبر 2023ء ) پاکستان ورلڈکپ کی پانچویں پوزیشن سے محروم ہونے سے بال بال بچ گیا، قومی ٹیم کو پوائنٹس ٹیبل پر افغانستان سے اوپر رہنے کیلئے 188 رنز درکار تھے، ہدف کے تعاقب میں پاکستان نے 190 رنز بنا لیے جبکہ اس کے 9 کھلاڑی پویلین لوٹ چکے۔ واضح رہے کپ قومی ٹیم آفیشلی ورلڈ کپ 2023ء سے باہر ہوگئی ہے۔ ورلڈکپ کے 44 ویں میچ میں انگلینڈ نے پاکستان کو جیت کے لیے 338 رن کا ہدف دیا ہے، پاکستان کو اگر سیمی فائنل میں پہنچنا تھا تو یہ ہدف 6.2 اوور میں پورا کرنا تھا۔

کولکتہ کے ایڈن گارڈنز میں کھیلے جارہے میچ میں انگلینڈ کے اوپنرز نے ٹیم کو 82 رنز کا جارحانہ آغاز فراہم کیا، تاہم ڈیوڈ ملان 31 اور جونی بیرسٹو 59 رنز بناکر آؤٹ ہوئے، تیسری وکٹ کی شراکت میں بین سٹوکس اور جو روٹ نے 132 رنز کی پارٹنرشپ قائم کی۔

(جاری ہے)

بین اسٹوکس نے 11 چوکوں اور 2 چھکوں کی مدد سے 84 رنز جبکہ مڈل آرڈر بیٹر جو روٹ 60 رنز کی اننگز کھیل کر آؤٹ ہوئے۔

ہیری بروک نے 30 اور جوز بٹلر نے27 رن بنائے، معین علی 8 رن بناسکے۔ پاکستان کی جانب سے حارث رؤف نے3، محمد وسیم نے3، شاہین آفریدی نے 2 اور افتخار احمد نے ایک وکٹ حاصل کی۔ انگلش ٹیم نے مقررہ 50 اوور میں 9 وکٹوں کے نقصان پر 337 رن بنائے۔ قبل ازیں انگلینڈ کے کپتان جوز بٹلر نے ٹاس جیت کر پہلے بیٹنگ کرنے کا فیصلہ کیا، انہوں نے کہا کہ لیگ کے آخری میچ میں کامیابی سمیٹ کر ٹورنامنٹ کا اختتام جیت کے ساتھ کرنا چاہتے ہیں اس موقع پر قومی ٹیم کے کپتان بابراعظم نے کہا کہ ٹاس جیت کر پہلے بیٹنگ کرتے تاکہ نیٹ ریٹ بہتر کرکے تاریخ رقم کرسکیں لیکن کوشش کریں گے میچ میں کامیابی سمیٹیں۔

بابراعظم نے کہا کہ ٹیم میں ایک تبدیلی کی گئی ہے کہ حسن علی کی جگہ شاداب خان کو پلئینگ الیون کا حصہ بنایا گیا ہے۔ پاکستان کا اسکواڈ کپتان بابراعظم، عبداللہ شفیق، فخر زمان، محمد رضوان، سعود شکیل، افتخار احمد، شاداب خان، آغا سلمان، شاہین شاہ آفریدی، محمد وسیم جونئیر، حارث رؤف پر مشتمل ہے جب کہ انگلینڈ کے سکواڈ میں کپتان جوز بٹلر، جونی بیرسٹو، ڈیوڈ ملان، جو روٹ، بین اسٹوکس، مارک ووڈ، ڈیوڈ ولی، لیام لیونگسٹن، معین علی، کرس ووکس اور عادل رشید شامل ہیں۔