مشرقِ وسطیٰ میں امن کی بحالی میں مدد کیلئے تیار ہیں: چینی وزیرِ خارجہ

پیر 20 نومبر 2023 18:13

بیجنگ (اُردو پوائنٹ اخبارتازہ ترین - آن لائن۔ 20 نومبر2023ء) چین کے وزیرِ خارجہ وانگ ای نے کہا ہے کہ بیجنگ مشرقِ وسطیٰ میں امن کی بحالی میں مدد کرنے کے لیے تیار ہے۔ غزہ بحران کے حل کے لئے مل کر کام کریں گے ۔

(جاری ہے)

غیر ملکی خبر رساں ادارے کے مطابق وزیرِ خارجہ چین وانگ ای نے عرب اور مسلم ممالک کے سفارت کاروں کے وفد کے دورہ چین کے حوالے سے جاری کیے گئے بیان میں کہا کہ چین مشرقِ وسطیٰ میں امن کی بحالی میں مدد کرنے کے لیے تیار ہے ۔

غزہ کی صورتِ حال کو جلد سے جلد ٹھنڈا کرنے کے لیے مل کر کام کریں گے۔ انہوں نے کہا غزہ میں ایک بڑی انسانی تباہی سامنے آرہی ہے جو دنیا بھر کے ممالک کو متاثر کرے گی۔انہوں نے کہا کہ بین الاقوامی برادری کو غزہ میں انسانی تباہی کو روکنے کے لیے فوری اقدامات کرنے چاہیئں۔ واضح رہے کہ سعودی عرب، اردن، مصر، فلسطین، انڈونیشیا اور او آئی سی حکام چین کے دورے پر ہیں۔