منشیات کا استعمال، ایلون مسک کا میڈیا پرپھیلی خبروں پر ردِعمل

ایک بار پوڈ کاسٹرجو روگن کے ساتھ چرس کا استعمال کیا تھا، بیان

منگل 9 جنوری 2024 16:12

منشیات کا استعمال، ایلون مسک کا میڈیا پرپھیلی خبروں پر ردِعمل

نیویارک(اُردو پوائنٹ اخبارتازہ ترین - این این آئی۔ 09 جنوری2024ء) دنیا کے امیر ترین آدمی ایلون مسک نے میڈیا پر اپنے بارے میں پھیلی منشیات کے استعمال کی خبروں پر اپنے ردِعمل کا اظہار کردیا۔غیرملکی خبررساں ادارے کے مطابق ایلون مسک نے سوشل میڈیا ویب سائٹ ایکس پر منشیات کے استعمال کے الزامات کا جواب دیتے ہوئے لکھا کہ ایک بار پوڈکاسٹر جو روگن کے ساتھ چرس کا استعمال کیا تھا جس کے بعد ناسا کے مطالبے پر میری 3 سال تک ڈرگ ٹیسٹنگ ہوتی رہی۔

انہوں نے لکھا کہ کسی بھی ٹیسٹ کے دوران ان کے خون میں سے ڈرگ یا الکوحل کی مقدار نہیں ملی۔

(جاری ہے)

یاد رہے کہ ایلون مسک کو پوڈکاسٹر جو روگن کے ساتھ چرس (marijuana) کا استعمال کرتے ہوئے 2018 میں دیکھا گیا تھا۔واضح رہے کہ وال اسٹریٹ جرنل نے اپنی ایک رپورٹ میں نامعلوم ذرائع کا حوالہ دیتے ہوئے بتایا ہے کہ یہ خبر سامنے آئی ہے کہ ایلون مسک کیٹامائن کا استعمال مسلسل کر رہے ہیں۔ ایلون مسک کے بارے میں منشیات کا استعمال کرنے کی خبر سامنے آنے پر ان کی کمپنی ٹیسلا اور اسپیس ایکس کے ایگزیکٹوز اور بورڈ ممبران تشویش میں مبتلا ہوگئے ہیں۔رپورٹ میں نجی اجتماعات کے دوران ایلون مسک کے ایل ایس ڈی، کوکین، ایکسٹیسی، اور سائیکڈیلک مشروم کے مبینہ استعمال کے بارے میں بھی انکشاف کیا گیا ہے۔