انگین آلتان نے مجھے ویڈیو کال کی تھی، لیکن میں نے نہیں اٹھائی: انوشے اشرف

بدھ 10 جنوری 2024 23:04

کراچی (اُردو پوائنٹ اخبارتازہ ترین - آن لائن۔ 10 جنوری2024ء) پاکستان شوبز انڈسٹری کی معروف میزبان و اداکارہ انوشے اشرف نے انکشاف کیا ہے کہ مقبول ترک سیریز ارطغرل غازی میں مرکزی کردار نبھانے والے انگین آلتان نے مجھے ویڈیو کال کی لیکن میں نے نہیں اٹھائی۔

(جاری ہے)

اپنے ایک انٹرو یو میں انہوں نے کہاکہ ایک بار ترکی میں موجود میرے ایک دوست مراد جو کہ اداکار انگین آلتان کا پڑوسی بھی ہے، کو پاکستان میں ترک اداکار کے حوالے سے پائے جانے والے جنون کے بارے میں بتایا تھا۔

انہوں نے بتایا کہ مراد ہی وہ شخص تھا جس نے انگین کو میرے بارے میں بتایا اور عید کے دن ویڈیو کال کا اہتمام کیا، لیکن یوگا میں مصروف ہونے کی وجہ سے انگین آلتان یعنی ارطغرل غازی کی ویڈیو کال مِس کردی، جس کے بعد مراد نے انگین آلتان کے ہمراہ عید مبارک کا خصوصی ویڈیو پیغام بھیجا۔اداکارہ نے کہا کہ موبائل سائلنٹ پر ہونے کی وجہ سے میں انگین آلتان کی ویڈیو کال اٴْٹھا نہیں سکی جس کا مجھے بہت افسوس رہے گا۔