این اے 55،راجا بشارت نے فارم 47 اور الیکشن نتائج لاہور ہائیکورٹ میں چیلنج کردیے

ہفتہ 10 فروری 2024 18:20

راولپنڈی (اُردو پوائنٹ اخبارتازہ ترین - این این آئی۔ 10 فروری2024ء) آزاد امیدوار راجا بشارت نے این اے 55 کے فارم 47 اور الیکشن نتائج کو لاہور ہائی کورٹ کی راولپنڈی بینچ میں چیلنج کردیا ہے۔تفصیلات کے مطابق راجا بشارت کی جانب سے سینئر وکیل سردار عبدالرزاق نے درخواست دائر کی، درخواست میں ریٹرننگ افسر، الیکشن کمیشن، ملک ابرار سمیت دیگر کو فریق بنایا گیا ہے۔

(جاری ہے)

درخواست میں مؤقف اپنایا گیا کہ فارم 45 کے مطابق مد مقابل امیدوار کو عبرتناک شکست ہوئی تھی مگر ملی بھگت سے ہارے ہوئے امیدوار کو فاتح ظاہر کیا گیا۔درخواست میں بتایا گیا کہ اس حلقے کے دیگر امیدواروں کے پاس بھی فارم 45 موجود ہے اور وہ بھی یہی کہہ رہے ہیں کہ راجا بشارت 52 ہزار ووٹوں سے جیت گئے ہیں۔کہا گیا کہ 8 فروری کی رات ہمیں ریٹرننگ افسر (آر او) کے آفس داخل نہیں ہونے دیا گیا۔اس درخواست میں استدعا کی گئی ہے کہ فارم 45 کے مطابق رزلٹ جاری کیا جائے۔