خ*اردو ادب کے معروف شاعر ناصر کاظمی کی 52ویں برسی 2مارچ کو منائی جائے گی

پیر 26 فروری 2024 17:40

Nمکوآنہ(اُردو پوائنٹ اخبارتازہ ترین - آن لائن۔ 26 فروری2024ء) اردو ادب کے معروف شاعر ناصر کاظمی کی 52ویں برسی 2مارچ کو منائی جائے گی اس سلسلے میں فیصل آ باد سمیت ملک بھر کے ادبی و صحافتی حلقوں میں مختلف تقریبات کا اہتمام کیاجائے گا جس میںادبی شخصیات اور دیگر مقررین ناصر کاظمی کی ادبی و صحافتی خدمات کو خراج عقیدت پیش کریں گے۔

(جاری ہے)

صحافی اور دانشورناصر کاظمی8دسمبر1925 کو انبالہ میں پیدا ہوئے ان کا پورا نام سید ناصر رضاکاظمی ہے تقسیم ہند کے بعد ناصر کاظمی نے انبالہ سے ترک سکونت اختیار کی اور لاہور رہائش پذیر ہو گئے انہوں نے ریڈیو پاکستان سے اپنے کیرئر کا آغاز کی وہ معروف ادبی جریدوں اوراق نو ہمایوں اور خیال کے ایڈیٹر بھی رہے۔

ناصر کاظمی نے میر تقی میر سے متاثر ہو کر شاعری کاآغاز کیا وہ شاعری کے علاوہ نثر نگاری اور غزل نگاری بھی کرتے تھے انہوں نے متعدد انگریزی ادب کے تراجم بھی کیے۔ان کی شاعری کی کتب میں پہلا مجموعہ کلام برگ نے بے حد مقبول ہوا جبکہ پہلی بارش،نشاط خواب،سر کی چھایا،خشک چشمے کے کنارے اور دیگر قابل ذکر ہیں۔ناصر کاظمی 2مارچ 1972کو 46برس کی عمر میں انتقال کر گئے تھے۔