ثناء جاوید نے شعیب ملک کے ہمراہ نئی تصویریں شیئر کیں

ہفتہ 9 مارچ 2024 10:55

لاہور(اُردو پوائنٹ اخبارتازہ ترین - این این آئی۔ 09 مارچ2024ء) پاکستانی معروف ٹی وی و فلم اداکارہ ثناء جاوید نے شوہر،معروف کرکٹر شعیب ملک کے ہمراہ نئی تصویریں شیئر کی ہیں۔اداکارہ کی جانب سے سوشل میڈیا اکائونٹ انسٹاگرام پر شیئر کی گئی تصویروں میں اس جوڑی کو بے حد جذباتی اور ہنستے ہوئے دیکھا جا سکتا ہے۔

(جاری ہے)

ان تصویروں میں اس جوڑی کے ہمراہ کرکٹر حسن علی اور محمد انور بھی موجود ہیں۔

ثناء جاوید نے تصویروں کے کیپشن میں کچھ لکھنے کے بجائے صرف تاریخ 7مارچ 2024 پر ہی انحصار کیا ہے۔ان تصویروں کے کیپشن میں ثناء جاوید اور شعیب ملک کو ہنستے ہوئے دیکھ کر اس جوڑی کے مداح جہاں انہیں خوش رہنے اور پرسکون زندگی گزارنے کی دعائیں دے رہے ہیں ،وہیں کچھ صارفین اس جوڑی کے ہاں ننھے مہمان کی آمد متوقع سے متعلق بھی چہ مگوئیاں کر رہے ہیں۔