ویرات کوہلی اور انوشکا شرما کا ہمیشہ کے لیے بھارت چھوڑنے کا فیصلہ؟

سوشل میڈیا صارفین کی جانب سے دعویٰ کیا جارہا ہے کہ انوشکا اور کوہلی اپنے دونوں بچوں کے ساتھ ہمیشہ کے لیے برطانیہ منتقل ہونے کا منصوبہ بنا رہے ہیں

ذیشان مہتاب جمعہ 22 مارچ 2024 11:05

ویرات کوہلی اور انوشکا شرما کا ہمیشہ کے لیے بھارت چھوڑنے کا فیصلہ؟

ممبئی (اردو پوائنٹ تازہ ترین اخبار ۔ 22 مارچ 2024ء ) مایہ ناز بھارتی بلے باز ویرات کوہلی نے ہمیشہ کے لیے بھارت چھوڑنے کا فیصلہ کرلیا ہے۔ بھارتی میڈیا میں یہ خبریں گردش کر رہی ہیں کہ ویرات کوہلی اور انوشکا شرما اپنے بیٹے کی پیدائش کے بعد ہمیشہ کے لیے برطانیہ منتقل ہونے کا منصوبہ بنا رہے ہیں، رواں برس 15 فروری کو انوشکا شرما اور ویرات کوہلی نے اپنے بیٹے کو دنیا میں خوش آمدید کہا، ان کے بیٹے کی پیدائش لندن میں ہوئی جس کے بعد سے یہ خاندان برطانیہ میں ہی اپنی رہائش گاہ پر مقیم ہے، تاہم ویرات کوہلی انڈین پریمیئر لیگ (آئی پی ایل) کھیلنے کے لیے حال ہی میں بھارت واپس آئے ہیں۔

ویرات کوہلی کے اکیلے بھارت آنے کے بعد سوشل میڈیا پر اس جوڑی سے متعلق کئی سوالات جنم لے رہے ہیں، صارفین کی جانب سے دعویٰ کیا جارہا ہے کہ انوشکا شرما اور کوہلی اپنے دونوں بچوں کے ساتھ ہمیشہ کے لیے برطانیہ منتقل ہونے کا منصوبہ بنا رہے ہیں، اسی وجہ سے کرکٹر اکیلے ہی بھارت آئے ہیں، ایک صارف نے کہا کہ ویرات کوہلی صرف آئی پی ایل کے لیے بھارت آئے ہیں لیکن وہ کرکٹ سے ریٹائرمنٹ لینے کے بعد مستقل طور پر برطانیہ منتقل ہوسکتے ہیں۔

(جاری ہے)