لاہور،تیزی سے بڑھتی ہوئی آباد ی کے چیلنجوں سے نمٹنے کے لئےسیمینار

لاہور (اُردو پوائنٹ اخبارتازہ ترین - اے پی پی۔ 22 مارچ2024ء) گورنمنٹ گریجوایٹ کالج برائے خواتین گلبرگ لاہور میں آبادی کی حرکیات، چھوٹے خاندانی اصولوں اور تیزی سے آبادی میں اضافے سے صحت کے منفی اثرات کے اہم مسائل پر ایک فکر انگیز سیمینار کا انعقاد ہوا۔ سیمینارکا مقصد ان عوامل کے درمیان پیچیدہ تعلقات کو تلاش کرنا اور شرکا ءکے درمیان گہری تفہیم کو فروغ دینا تھا۔

اس موقع پر مہمان خصوصی ڈائریکٹر جنرل بہبود آبادی پنجاب محترمہ ثمن رائے تھی۔جبکہ ڈاکٹر امجد، پرنسپل ڈاکٹر نگہت ناہید ظفر اور وائس پرنسپل ڈاکٹر شگفتہ گلریز، رمضان، اورابو الحسن مدنی، معزز فیکلٹی ممبران اور طلبائکی کثیر تعداد نے شرکت کی۔مہمان خصوصی ڈائریکٹر جنرل بہبود آبادی پنجاب ثمن رائے نے اپنے خطاب میں کہا کہ چھوٹے خاندانی اصولوں کی وکالت کرنے کے لیے ایک ذریعہ کے طور پر آبادی میں تیزی سے اضافے سے پیدا ہونے والے چیلنجوں سے نمٹنے کی ضرورت ہے۔

(جاری ہے)

چھوٹے خاندانوں کو فروغ دینے کے لیے جاری کوششوں کے باوجود، بہت سے خطے عالمی سطح پر بڑھتی ہوئی آبادی سے دوچار ہیں، جس کے نتیجے میں وسائل میں تناو ، ماحولیاتی انحطاط اور سماجی تفاوت پیدا ہو رہے ہیں۔مختلف دانشوروں نے اپنے اپنے وسیع تجربات کی بنا پر لیکچر دئیے۔ امجد رمضان نے خاندانی منصوبہ بندی کی اہمیت کے بارے میں آگاہ کیا۔ آبادی سائنس اور پروجیکٹ مینجمنٹ کے ماہر ابو الحسن مدنی نے آبادی کی حرکیات سے مو ثر طریقے سے نمٹنے کے لیے شواہد پر مبنی فیصلہ سازی اور پالیسی سازی کی ضرورت پر زور دیا،آبادی کی حرکیات اور معاشرتی اصولوں کے بارے میں ہماری سمجھ کو گہرا کرتے ہوئے شرکاءنے تیزی سے آبادی میں اضافے سے پیدا ہونے والے کثیر جہتی چیلنجوں سے نمٹنے کے لیے قابل عمل حل تلاش کرنے کی کوشش کی۔

اس تقریب میں ایک لائیو پینٹنگ مقابلہ بھی پیش کیا گیا۔